Svona berið þið saman árangur hótela með Loopon

Loopon hjálpar hótelum og öðrum ferðaþjónustufyrirtækjum að átta sig á því hvernig ánægja gesta og orðspor á netinu standa í samanburði við aðra gististaði og samkeppnisaðila. Með því að sameina staðlaða endurgjöf gesta, árangursmælikvarða og samanburð við samkeppnisaðila geta teymi greint styrkleika, komið auga á tækifæri til úrbóta og tekið upplýstari ákvarðanir. Þessi leiðarvísir útskýrir hvernig samanburðargreining virkar í Loopon og hvernig nýta má niðurstöðurnar til að bæta upplifun gesta.

Metið árangurinn í víðara samhengi

Mælingar á ánægju gesta veita mikilvægar upplýsingar um reksturinn, en einstakar niðurstöður segja ekki alltaf alla söguna. Há ánægjueinkunn getur bent til góðs árangurs, en samanburður við sambærileg hótel gefur skýrari mynd af stöðunni.

Með Loopon geta hótel borið valda árangursmælikvarða saman við aðra gististaði út frá stöðluðum spurningum í gestakönnunum og gögnum um orðspor á netinu. Þannig má meta niðurstöður í víðara samhengi og sjá hvort staðan sé að batna miðað við markaðinn.

Með því að fylgjast með þessum samanburði yfir tíma geta hótelstjórar séð á hvaða sviðum hótelið stendur sérstaklega vel og hvar samkeppnisaðilar kunna að veita gestum betri upplifun.

Berið saman hótel innan fyrirtækisins

Fyrir hótelkeðjur og fyrirtækjasamstæður í ferðaþjónustu er innri samanburðargreining markviss leið til að fá yfirsýn yfir árangur á mörgum gististöðum.

Loopon gerir kleift að bera saman hótel innan sama fyrirtækis. Það hjálpar stjórnendum að fylgjast með ánægju gesta, meta mun á niðurstöðum og greina árangursríkt verklag. Með því að skoða niðurstöður þvert á hótel geta fyrirtæki betur áttað sig á því hvernig þjónustuviðmiðum er fylgt og hvar þörf er á frekari athygli.

Ef eitt hótel fær til dæmis stöðugt hærri ánægjueinkunn fyrir morgunverð eða móttöku geta vinnubrögð þess gefið öðrum hótelum gagnlegar hugmyndir. Innri samanburðargreining hjálpar til við að nýta þennan mun sem tækifæri til að læra og bæta starfsemina.

Berið árangurinn saman við samkeppnisaðila

Samanburðargreining Loopon gerir hótelum kleift að bera árangur sinn saman við valinn hóp samkeppnisaðila, svokallaðan samanburðarhóp, sem á ensku kallast competitive set eða comp set.

Samanburðarhópur samanstendur af hótelum sem veita viðeigandi og gagnlegan grunn til samanburðar. Loopon notar staðlaðar spurningar í könnunum til að tryggja að niðurstöður þátttökuhótela séu samanburðarhæfar. Samanburðurinn getur meðal annars náð til meðmælavísitölunnar Net Promoter Score (NPS), bókunarupplifunar, móttöku, gæða herbergja, hreinlætis, þjónustu og morgunverðar.

Til að gæta trúnaðar eru niðurstöður kannana frá samkeppnishótelum birtar sem samanteknar tölur fyrir hópinn í stað einkunna einstakra hótela. Samanburðarhópar þurfa einnig að uppfylla tilteknar kröfur um fjölda hótela, fyrirtækja og svara við könnunum til að tryggja áreiðanlegan samanburð.

Þannig geta hótel áttað sig á stöðu sinni án þess að trúnaðarupplýsingar úr endurgjöf gesta eða einstakar könnunarniðurstöður samkeppnishótela séu birtar.

Fylgist með orðspori ykkar á netinu

Samanburðargreining í Loopon nær einnig til orðspors á netinu. Hótel geta því borið opinberar einkunnir og umsagnir sínar saman við samkeppnisaðila.

Í hlutanum Reputation Management getið þið fylgst með einkunnum og umsögnum á miðlum á borð við Google, Booking.com og Tripadvisor. Samanburður við samkeppnisaðila hjálpar til við að draga fram mun á orðspori á netinu, umfangi umsagna og viðhorfum gesta.

Loopon býður upp á árangursmælikvarða fyrir orðspor sem hjálpa hótelum að meta stöðu sína innan samanburðarhóps. Með því að skoða þessar niðurstöður samhliða gögnum úr gestakönnunum fá teymi heildstæðari mynd af árangri hótelsins og því hvernig gestir upplifa það.

Hótelkeðjur geta einnig borið saman orðspor einstakra hótela innan sama fyrirtækis.

Greinið styrkleika og tækifæri til úrbóta

Markmið samanburðargreiningar er ekki aðeins að finna út hvaða hótel fær hæstu einkunnina. Hún snýst um að skilja mun á árangri og nýta þá þekkingu til að ákveða hvað megi bæta.

Hótel getur til dæmis staðið sig vel hvað varðar heildaránægju gesta en verið á eftir samanburðarhópnum í þrifum á herbergjum eða upplifun af morgunverði. Með því að greina þennan mun geta stjórnendur forgangsraðað úrbótum þar sem þær gætu haft mest áhrif.

Samanburðargreining getur líka dregið fram styrkleika sem mikilvægt er að viðhalda. Ef hótel fær stöðugt betri niðurstöður en samkeppnisaðilar fyrir þjónustu eða móttöku gefur það gagnlegar vísbendingar um hvað gestir kunna að meta og hvar fyrirtækið hefur komið á árangursríku verklagi.

Með því að skoða samanburðargreiningu samhliða athugasemdum gesta, þróun ánægju og rekstrarskýrslum geta teymi nýtt samanburðinn til að taka upplýstari ákvarðanir.

Komið samanburði við samkeppnisaðila af stað

Til að hefja samanburðargreiningu við samkeppnisaðila í Loopon geta hótel óskað eftir samanburðarhópi sem samanstendur af viðeigandi samkeppnishótelum.

Valin hótel þurfa að uppfylla kröfur Loopon um þátttöku og gæði gagna. Til að bera saman niðurstöður staðlaðra gestakannana þurfa hótelin í hópnum að nota Loopon og safna nægilega mörgum svörum til að samanburðurinn sé marktækur.

Þegar samanburðarhópur hefur verið settur upp verða niðurstöðurnar aðgengilegar til samanburðar í kerfinu. Hótel geta þá fylgst með árangri, skoðað mun á niðurstöðum og séð þróunina yfir tíma.

Til að óska eftir samanburðarhópi eða fá frekari upplýsingar um kröfurnar getið þið haft samband við þjónustuver Loopon á [email protected].

Nýtið samanburð til að bæta upplifun gesta

Samanburðargreining nýtist best þegar hún er hluti af reglulegu árangursmati og umbótastarfi. Með því að bera saman niðurstöður yfir tíma geta ferðaþjónustufyrirtæki komið auga á breytingar, metið framfarir og séð hvernig upplifun gesta stendur í samanburði við viðeigandi samkeppnisaðila.

Loopon sameinar innri árangurssamanburð, samanburð við samkeppnisaðila og innsýn í orðspor á netinu. Það veitir heildstæðari grunn fyrir ákvarðanatöku.

Með því að nota samanburðargreiningu reglulega við stjórnun geta hótel greint árangursríkt verklag, forgangsraðað úrbótum og unnið markvisst að aukinni ánægju og tryggð gesta.